အရှင်မြတ်သည် ဓမ္မဒူတနာယက အဖွဲ့ဝင်၊ မှော်ဘီမြို့နယ် သံဃနာယကအဖွဲ့ဝင်၊ ဓမ္မဒူတဇေတဝန်တော်ရ ဆေကိန္ဒာရာမ ကျောင်းတိုက်ကြီးနှင့် ပြည်တွင်း၊ ပြည်ပ ဓမ္မဒူတကျောင်းတို့၏ ပဓာနနာယက ဆရာတော်၊ အပြည်ပြည်ဆိုင်ရာ ထေရဝါဒဗုဒ္ဓသာသနာပြု တက္ကသိုလ်၌ ပဋိပတ္တိမဟာဌာန မဟာဌာနမှူး ပါမောက္ခဆရာတော် စသော တာဝန်တို့နှင့် ကျမ်းရေးသားခြင်း၊ စာပေပို့ချခြင်း၊ တရားဟောပြောခြင်း၊ တရားပြသခြင်း၊ ဘာသာရေး၊ သာသနာရေး၊ လူမှုရေးဆိုင်ရာ လုပ်ငန်း စသည်တို့ကို ဆောင်ရွက်တော် မူလျက်ရှိသည်။

အထူးသဖြင့် ပြည်တွင်း၊ ပြည်ပတို့၌ ဗုဒ္ဓဘာသာ မြန်မာလူမျိုးတို့၏ ရင်သွေးငယ် လူငယ်လူရွယ်တို့ကို တရားဟော၊ တရားပြခြင်း၊ ယဉ်ကျေးလိမ္မာသင်တန်း ဖွင့်ခြင်း၊ လူငယ်တို့၏ ပညာရေး၊ စီးပွားရေး၊ လူမှုရေးစသော အသိပညာတို့ကို ဗုဒ္ဓတရားတော်နှင့်အညီ ဆွေးနွေးဖြေဆိုခြင်းများ ဆောင်ရွက်ပေးပါသည်။